ആത്മഹത്യ കുറിപ്പുകളെഴുതി വച്ച്
ഫേസ്ബുക്ക്‌ പ്രൊഫൈലുകളും മരിക്കാന്‍ തുടങ്ങുകയാണ്…!!!
മരണത്തിന് , ആ പ്രക്രിയക്ക് ;
ബൈപ്രൊഡകറ്റ് ഒന്ന് മാത്രം…
ശൂന്യത….!!!

എന്‍റെ സൈബര്‍ ലോകത്തിന്‍റെ ഇടനാഴികളില്‍ ,
ഐ.സി യു മുക്കിലെ ചിരി ക്ലബുകളില്‍,
നിന്‍റെ ആത്മഹത്യ എന്നെ വേട്ടയാടും.
ലാപ്പ്ടോപ്പിന്റെ നാലതിരുകള്‍ക്കപ്പുറം
നീ ജീവിച്ചിരിപ്പുണ്ടെന്ന്‍ എനിക്ക് ഉറപ്പാണ്‌.
പക്ഷേ നേരില്‍ കണ്ടാലും തിരിച്ചറിയാന്‍
എനിക്ക് ; അല്ല നമുക്ക് കഴിയില്ലല്ലോ…!!!

ഫേയ്ക്ക്ക്കുകളെ വെറുക്കുന്ന ഈ ലോകത്ത്
നമുക്ക് നമ്മളെ നഷ്ടപ്പെടുത്താം…!!!
ഇനിയുള്ള സൈനപ്പുകളില്‍
വേരിഫൈഡ് അക്കൗണ്ടുകളായ്
നമുക്കിനിയും ജനിക്കാം….!!!