ഉള്ളിലെവിടെയോ ഒരു പനി,
ഒളിച്ചോളിച്ച് കിടപ്പുണ്ട്.
പതുക്കെ തല നീട്ടിയപ്പോൾ
കാര്യം ഞാൻ പറഞ്ഞു
പുറത്ത് വന്നാൽ ,
നെറ്റിയിൽ തുണി നനച്ചിട്ട്,
പൊടിയരി കഞ്ഞി വിളമ്പാൻ
അമ്മയോ ,
ചൂട് പകുത്തെടുക്കാൻ ഭാര്യയോ
പാരസെറ്റമോൾ വാങ്ങി വരാൻ
കൂട്ടുകാരോ എനിക്കൊപ്പമില്ലെന്ന്…!!!
ഞാനോരു ഏകാന്തവാസിയെന്ന്…!!!!
ഒന്ന് ചുമച്ചു കൊണ്ടാ പനി
മഴയും കൊണ്ട് പതുക്കെ നടന്നു….

Read more »

തീരുമാനിച്ചതാണ് രാവിലെ ഉണരാൻ,
അലാറവുമുണ്ട് രാവിലെ ഉണരാൻ,
എന്നിട്ടും ഞാൻ ഉണർന്നില്ല.
കുളിച്ചെഴുന്നേറ്റ് ചെന്നപ്പോഴേക്കും വൈകി;
കിട്ടിയില്ല ഭാവിജീവിതമെന്ന ബസ്.

ഇനി നടക്കണം, വഴിയറിയാതെ ,
കാട്ടിലൂടെ, മേട്ടിലൂടെ,
അപരിചിതത്വത്തിന്റെ നനവു പടർന്ന
മണ്ണിലൂടെ ഏകനായി….!!!

Read more »

പുറത്ത് ഒരു കൂട്ടം ആൾക്കാരുണ്ട്,
കട്ട വെയിറ്റിങ്ങിലാണ്…
മുകളിലൊന്നു പോകാൻ,
ലിഫ്റ്റിലൊന്ന് കേറാൻ…!!!

മുട്ടുകാലു തുഴഞ്ഞ് ഇഴഞ്ഞിഴഞ്ഞ്
കേറുന്നൊരെസ്കലേറ്ററിലും ഒഴിവില്ല..
തിരക്കാണ്, പടികളിൽ നാലുപേർ വീതം…!!

അതിനുമപ്പുറം അനക്കമില്ലാതെ,
ശവങ്ങളെപോലെ അനാഥമായി
ആർക്കും വേണ്ടതെ കിടപ്പുണ്ട്
രണ്ടടി നീളത്തിൽ കുറെ സ്റ്റെപ്പുകൾ.

അതില് മാത്രം എന്താ ആരും കേറാത്തെ..??
കാരണം ശവങ്ങൾക്ക് ശവങ്ങളെ
ചുമക്കാൻ ആവതില്ലല്ലോ….!!!

Read more »