എനിക്കും നിനക്കും കാണേണ്ടത്
പുതിയൊരു പുലരിയുടെ തെളിച്ചമാണ്.
എനിക്കും നിനക്കും കേള്‍ക്കേണ്ടത്
സ്വാതന്ത്ര്യത്തിന്റെ ഗീതമാണ്‌.
എനിക്കും നിനക്കും പറയേണ്ടത്
ജീവിതത്തിന്‍റെ കഥകളാണ്.
എനിക്കും നിനക്കും അറിയേണ്ടത്
രാത്രിയിലെ മഴയുടെ ഗന്ധമാണ്.
പക്ഷെ,
എനിക്കും നിനക്കും ഇടയിലുള്ളതോ;
അളക്കാനാവാത്ത ദൂരമാണ്.
കാരണം,
എനിക്കും നിനക്കും ഇടയിലുള്ളത്;
പരിചയമില്ലാത്ത ദൈവങ്ങളാണ്,
തിരിച്ചറിവില്ലാത്ത മനുഷ്യരാണ്,
പിന്നോട്ട് നീങ്ങുന്നൊരു ലോകമാണ്.