സമകാലിക ഇന്ത്യയുടെ പൊതുബോധം പെണ്ണിനെ കാണുന്ന അല്ലെങ്കിൽ അവളെ മനസിലാക്കുന്ന വീക്ഷണകോണിനെ തുറന്നു കാട്ടുകയാണ് അനിരുദ്ധ റോയി ചൗധരിയുടെ പിങ്ക് എന്ന ചിത്രം. ഒരു പെൺകുട്ടി ജനിക്കുന്ന നാൾ തൊട്ട് അവളിലേക്ക് മനപ്പൂർവ്വമോ അല്ലാതെയോ നമ്മുടെ സമൂഹം അടിച്ചേൽപ്പിക്കുന്ന അനീതിക്കെതിരെയാണ് പിങ്ക് ശബ്ദമുയർത്തുന്നത്. അത്ര പുതിയതല്ലാത്ത വിഷയമാണെങ്കിലും താൻ പറയാനുദേശിക്കുന്നത് ഗൗരവത്തോടെ ഉച്ചത്തിൽ പ്രേക്ഷകനുമായി സംവദിക്കുന്നുണ്ട് സംവിധായകൻ.
ഒരു നിശാ പാർട്ടിക്കിടയിൽ മൂന്ന് പെൺകുട്ടികൾക്ക് നേരിടേണ്ടി വരുന്ന അനുഭവവും അതിനെതിരെ പരാതി പറഞ്ഞ അവരെ കുറ്റക്കാരാക്കാൻ പൊതുസമൂഹം നിരത്തുന്ന ന്യായങ്ങളും അതിലെ ശരിതെറ്റുകളുമാണ് പിങ്കിന്റെ കാതൽ.
പെൺകുട്ടികളെ രക്ഷിക്കാനെത്തുന്ന ദീപക് സെഗ്‌വാൾ എന്ന അഡ്വകേറ്റായി ബിഗ് ബി ചിത്രത്തിൽ പ്രധാന വേഷത്തിലെത്തുന്നു. സിനിമയുടെ രണ്ടാം പകുതി മുഴുവനായും കോടതി മുറിക്കുള്ളിലാണ്.
ഒരു പെൺകുട്ടി രാത്രി പുറത്തിറങ്ങി നടക്കുന്നതും, അവൾക്കിഷ്ടമുള്ള വസ്ത്രം ധരിക്കുന്നതും, ഇഷ്ടമുള്ള ഭക്ഷണം കഴിക്കുന്നതും, ആൺസുഹൃത്തുമൊത്ത് സമയം ചിലവിടുന്നതും എന്തിന്റെയെങ്കിലും സൂചനയായി കാണുന്ന വികല മനസുകളോടാണ് സിനിമ കലഹിക്കുന്നത്.
അതോടൊപ്പം ഒരു സ്ത്രീ അത് നിങ്ങളുടെ സുഹൃത്തോ കാമുകിയോ ഭാര്യയോ ആരാണെങ്കിലും അവളുടെ ഒഴിഞ്ഞുമാറലുകളെ, No കളെ ബഹുമാനിക്കാൻ നമ്മുടെ സമൂഹം ഇനിയെങ്കിലും ശീലിക്കണമെന്നും ഉറച്ച ശബ്ദത്തിൽ പിങ്ക് പറഞ്ഞുവെക്കുന്നു.
ചുരുക്കത്തിൽ ഒരു സ്ത്രീപക്ഷ സിനിമയെന്നതിനപ്പുറം ഉദ്ദേശശുദ്ധിയുള്ള, കാമ്പുള്ള പ്രമേയങ്ങൾ ഇഷ്ടപ്പെടുന്നവർക്ക് തീർച്ചയായും ആസ്വാദ്യകരമാണ് പിങ്ക്.

Read more »

2016 ലെ മികച്ച ചിത്രം..!!! 2016 ലെ സിനിമഅവാര്‍ടുകള്‍ക്കൊപ്പം വന്ന വാര്‍ത്തകളിലാണ് ഒഴിവു ദിവസത്തെ കളിയെന്ന പേര് ഞാന്‍ ആദ്യമായി കേള്‍ക്കുന്നത്. റിവ്യൂകള്‍ വായിച്ചു. ഐ.എഫ്.എഫ്.കെ യില്‍ പോയി കണ്ട പലരും പറയുന്നതും കേട്ടു. ഉണ്ണി.ആറിന്റെ കഥ ഞാന്‍ വായിച്ചിട്ടുമില്ല. പക്ഷേ ആദ്യ ദിവസങ്ങളില്‍ തന്നെ ചിത്രം കാണാണമെന്നൊരു ആഗ്രഹവും ഉണ്ടായിരുന്നു. അങ്ങനെയാണ് അടുത്ത ചില സുഹൃത്തുക്കളോടൊപ്പം ഒഴിവു ദിവസത്തെ കളി കാണാന്‍ തിയേറ്ററില്‍ എത്തുന്നത്.
ഒറ്റവാക്കില്‍ ഒഴിവുദിവസത്തെ കളി ഇന്നത്തെ കാലഘട്ടത്തിന്‍റെ സിനിമയാണ്. അതിന് വ്യക്തമായ ഒരു രാഷ്ട്രീയമുണ്ട്, അത് വളരെ കൃത്യമായി നമ്മുടെ സമൂഹത്തിലെ ജാതീയതയുടെ മൂര്‍ധന്യത്തെ പറ്റി, അധികാരികളുടെ, നീതിന്യായ വ്യവസ്ഥയുടെ ജീര്‍ണ്ണതകളെ പറ്റി, ഉറക്കെ പറയുന്നുമുണ്ട്.

വളരെയധികം സിമ്പോളിക്കായാണ് ഒരുപാട് സാമൂഹ്യയാഥാര്‍ഥ്യങ്ങളെ ചിത്രം പറഞ്ഞു വെക്കുന്നത്. ഒരു തിരഞ്ഞെടുപ്പ് ദിവസം ചിലവഴിക്കാന്‍ വനന്തരത്തിലുള്ള ഒരു കെട്ടിടത്തില്‍ എത്തിച്ചേരുന്ന അഞ്ചു വ്യക്തികള്‍. അവരുടെ കള്ളുകുടിയും തമാശകളുമായി പതുക്കെ വികസിക്കുന്ന കഥാപരിസരത്തില്‍…

Read more »